0

Къайтхан кюн халкъыма

03.05.2016 →

AwMsLabpOMg

Онтёрт джылны джер тырнакълаб джашагъан,
Джыламукъ бла гырджынны тенг ашагъан,
Сарнайса сен тау джуртунгу ийнакълай,
Джарлы халкъым, ой джаралы Къарачай!

Адамларынг Азияда къалдыла,
Джюреклеге кетмез аууруу салдыла,
Къабырларынг къум тюзледе сынсызлай,
Уланларынг къазауатда ызсызлай.

Ол джыллада джан бергенле къайтмазла,
Тауларына тансыкъ салам айтмазла,
Махар суудан бауурланыб ичмезле,
Саула этген бу кюулени эшитмезле.

Ол джылланы къан ызлары кеберле,
Аллах айтса, уланларынг джетерле,
Сен джырларса тауларынгда алгьынлай,
Джарлы халкъым, ой джаралы Къарачай!

Ёлгенинге джаннет юйню багъышлай,
Сауларынгы джашау джолгъа алгьышлай,
Мен айтханча джыламугъунг джылтырай,
Айт орайда, ой джаралы Къарачай!

Категории: Стихи | 409 просмотров
Похожие записи
  • Земля моих отцов
    Земля моих отцов, ты птицей одинокой, Взметнулась гордо ввысь за совесть и...
  • Есть грозный суд: он ждет…
    Актуально на все времена: _____________ …А вы, надменные потомкиИзвестной подлостью прославленных отцов,Пятою...
  • Ты ломаешь меня во благо
    Ты ломаешь меня во благо: Через боль прорастает зерно, Покаянья покрытое влагой,...

Добавить комментарий